Hazrat Muhammad Murad Ali Khan Rahmatullah Alayh

Hazrat Junaid Bughdadi

Rahmatullah Alayh

 

Aap ki wiladat ba saadat 216 Hijri Gadaad  mein hui. Aap ka ism e graami Junaid bin Muhammad Rahmatullah Alayh hai aur kuniat Abu al Qasim hai. Aap ke waalid graami ka naam Muhammad bin Junaid Rahmatullah Alayh tha. Aap Sheeshay ki tijarat kya karte they. Hazrat Junaid Rahmatullah Alayh  ka abai watan Nahawand hai. Aap Hazrat Sari Saqati Rahmatullah Alayh  ke bhanjay mureed aur khalifa hain .

 

 

 

 

 

 

 

 

 

 

 

 

 

Aap Samaa aur wajad ko pasand nahi farmatay they aur zahir o batan  mein kabhi khilaaf  e shariat fail aap Se zahuur nahi huwa. Aik din aap Wazu frma rehe they kay aik mureed ne josh mein aa kar naara buland kya. Aap ne is ko roka aur farmaya kay agar aindah tu ne phir naara buland kya to hum se tumhara koi talluq nahi ho ga. Is par is mureed ne tauba ki aur phir apne jazbaat par qaboo panay mein barri hadd taq zabt o tahhaamul se kaam liya. Aik din woh dobarah phir wajad mein aa gaya to is ki mout waqay ho gayi .

Aap ke mujahdaat ki yeh kefiyat thi kay aap rozana apne hujray mein jaa kar parda daal letay aur jab taq 400 Rakaat  nafal nah parh letay bahar tashreef nah laatay. Aap mujahadaat mein aisay gum ho gaye kay Aap ki jo dokaan thi aap ne woh bhi chhorr di aur apne mamu Hazrat Sari Saqati Rahmatullah Alayh ki deorhi mein aik hujra ke andar chalees saal taq masroof ibadat rahay .

Aik din aik mjosi  gale mein zanar aur musalmanoon ka libaas pehan kar Aap ki khidmat aaya aur is hadees shareef  ka matlab daryaft karne laga" momin ki frasat se daro kay woh Allah ke noor ko daikhta hai ". Aap ne is sawal ko sun kar tabassum farmaya aur irshad farmaya kay is hadees shareef  ka matlab yeh hai kay apna  zanar  toar kar kufar ko chhorr doo aur kalma parh kar musalman ho jao. Majosi ne yeh jawab suna to foran kalma parh kar musalman ho gaya. Imam Yafi Rahmatullah Alayh farmatay hain kay is se Hazrat Junaid  Rahmatullah Alayh ki doo karamatain zahir hoti hain aik to is nojawan ke kufar par ittila paana doyam is baat par aagah hona kay woh is waqt islam qubool kar le ga.

Aap ka aik mureed Basrah mein rehta tha is ke dil mein aik roz gunah ka khayaal peda howa. Bas is khayaal ka aana hi tha kay is ka chehra siyah ho gaya. Wo  Is soorat e haal se bohat ghabraya aur sharam o nadamat se ghar se bahar niklana tark kar diya. Teen roz mein munh ki siahee kam hotay hotay bilkul theek ho gayi aur is ka chehra roshan ho gaya. Aik roz 1 shakhs aaya aur usay Hazrat Junaid Rahmatullah Alayh  ka khat diya. Jab is ne khat parha to is mein tehreer tha kay apne dil ko qaboo mein rakho aur bandagi ke darwazay par adab se raho is liye kay aaj mujhe teen din aur raat se dhobi ka kaam karna par raha hai taakay tumahray  chehray ki siahee dho sakon .

Aap ke aik mureed they jin par Aap khusoosi shafqat o mohabbat farmatay they. Kuch logon ko yeh baat nagawaar guzri. Jab aap is baat se aagah hue to aap ne farmaya mera yeh mureed adab o aqal mein tum sab se ziyada buland hai. Phir Aap ne apne har mureed ko jo is waqt wahan mojood they aik aik churee day kar irshad farmaya kay un murghion ko aisi jagah zibah karkay lao jahan koi dekhnay wala nah ho. Sabhi muridain murghion ko le kar chalay gaye aur posheeda jaghon se un murghion ko zibah karkay le aeye. Lekin woh mureed khaas apni murghi ko zindah wapas le aaya. Aap ne is se daryaft kya kay tum ne usay zibah kyun nahi kya. Is ne jawab diya huzoor mein jis jagah bhi pouncha wahan qudrat ko mojood paaya aur is ko dekhnay wala paaya. Mujhe kyunkay koi posheeda jagah nahi mili is liye majaburan wapas le aaya hon. Yeh jawab sun kar Aap ne irshad farmaya tum sab logon ne is ka jawab sun liya. Yahi is ka khaas wasf  hai jis ki wajah se mein is ko bohat chahta hon .

Jab aap ki duniya se rukhsati ka waqt qareeb aaya to aap ki zabaan mubarak par tasbeeh jari thi chaar unglio ko bandhay hue they. Bismillah parhi aur wasal e  bahaq ho gaye. Ghusaal ne ghusal dete waqt chaha kay aankhon ke andar pani daaley, aawaz aayi hamaray dost ki aankhon se apne haath ko alag rakho jo aankhh hamara naam le kar band ho woh hamaray liye hi kholi ja sakti hai. Isi terhan aap ki unglio ko kholna chaha to woh bhi nah khil saken .

Aap 27 Rajab al Marjab 297 Hijri  ko is dar e fani se rukhsat hue. Aap ka mazaar shareef  Bghdad mein waqay hai .